Queen's University Conference

 بەشداریمان لە دوو کۆنفرانس و دۆکۆمێنتەریەک لە زانکۆی کوین

کۆنفرانسی یەکەم لە ڕۆژی ٢٧-٣-٢٠١٥ لە کامپی دووەمی زانکۆی کوین سەبارەت بە دیکۆڵۆنیالیزەیشن /ڕزگاربوون لە داگیرکاری و جەندەر. چەقی سەرەکی ئەم کۆنفرانسە لە سەر جینۆسایدی هندێ کەنەدەییەکان و بە تایبەت باردۆخی ژن لەو جینۆسایدەدا ، وە  بەراوردیان بە جینۆسایدەکانی تر

 کۆنفرانسی دووەەم  لە ڕۆژی ٢٨-٣-٢٠١٥ سەبارەت بە دیسپلین و ڕۆڵی س دیسپلینەکراو یان نا-دیسپلین بوو لە خوێندنی باڵادا   .

 هەروەها بەشداتیکردن لە دۆکۆمێنتەرەیەک سەبارەت بە هەمان مەسەلە، بە تایبەت ڕۆڵی ئەکادیمیا دیسپلینەکراو لە دیدەبینی وژیانی خوێندکارانی خوێندنی باڵادا . بەشداری من سەبارەت بە مەسەلەی چۆنیەتی نوێنەرایەتیکردنی ئەتنێکی نوێنەرایەتی نەکراوبوو لە بواری ئەکادیمیدا
هەروەها ، ڕۆڵیئەکادیمیا دیسپلینەکراو نا-دیسپلین لە رووی سیاسی ، لێکۆڵینەوەی ڕەخنەگرانە ، کلتوری و داهێنانە و شارەزایی بوو لە چەند بوارێکدا نەک تەنها بوارێکی دیاریکرا 

لەم کۆنفراسانەدا زیاتر لە ٣٠ لێکۆڵینەوە پێشکەش کرا، لە لایەن خەڵکانێکی ئەکادیمی لە زانکۆکانی تۆرۆنتۆ، کینگستن، ڤانکۆڤەر، مۆنتریاڵ، ئۆتاوا ، وتەرلۆ..تد هەر یەکەیان دەریایەک بوون لە بەهای ئەکادیمی گرنگ، زانست و  زانیاری نوێ ، واتە یەکێک بوو لەو کۆنفرانسە سەرکەوتوو دەگمەنانەی 
کە پاش کۆنرانسەکە زەردەخەنەی ئومێد دەکەوێتە سەر لیوت

چۆنیەتی بەڕێوەبردن و خزمەتی میوانەکان و ئۆرگەنایزبوونی هەموو شتەکان ، پابەند بوون بە کاتەوە بە ئاستێک چرکەیەکیش دواکەوتن وسەرکیش لە کاتدا سیما سەرکەوتووەکانی دی ئەم بۆنانە بوون

Many thanks to Cultural Studies Department - Queen's University, in particular, the director of Cultural studies, professor James Miller, and the events coordinators for the generous hospitality, and for organizing such great events.
I enjoyed each panel greatly, have learned from them, and appreciate your attempt in creating ( Undisciplined ) academic environment, as I mentioned in the documentary, I believe it is not only a space for sharing scholarly, and activist work that theorizes the cultural and socio-political forces, but also a scope that creates the sense of agency among the scholars and students.

یادی هەڵەبجە

وێنەکان لە یادی هەڵەبجە و ئەنفالدا گیراوە ١٦-٣-٢٠١٥ لە هۆڵی سیڤیک سەنتەر ، لە تۆرۆنتۆ ، بابەتێکم  Reoccurrence of Genocide and Personalization of Historyبە ناونیشانی 

پێشکەش کرد،

 هاوڕێیەک ئاگاداری کردوومەتەوە کە تۆماری دەنگی کردووە ، کە بە دەستم گەشت لێرەوە بڵاوی ئەکەمەوە . بەشداری سەدان بوونەم کردووە و بابەتەکەم بڵاونەکردووەتەوە بەڵام ئەم دانەیان بە مەبەست بڵاو ئەکەمەوە وە قسەی خۆشم ئەبێت لە سەری . داوای بەخشینیش لەو دوو بەڕێزە ئەکەم ئەیانەوێت بە ئیمەیل بۆیان بنێرم ، لێرەوە بڵاو ئەکرێتەوە نەک بە ئیمەیل ناردن تەنها ئەوەیە لە بێ کاتی خۆمدا ناتوانم کارەکانم لە کاتی خویدا ئەنجام بدەم. من پاش ئەوەی لە یادی جینۆساید و ڕۆژی زمانی دایکی دەیان نەتەوەی جیاوازدا بەشداریم کردووە ، ئەم ساڵ بۆ یەکەم جار بەشداریم لە وەی نەتەوەکەی خۆم کرد ، بۆ یەکەم جاریش زانیم کە ئێمەی کورد گەمژەی هەتا ئەو ئاستە گەمژەمان هەیەکە بڵێت نابێت ژن لە یادی هەڵەبجە و ئەنفال بەشدار بێت و کۆنە کۆمێنیستیش بێت ، یان بە هۆی یادێکی واوە خەڵکێک ببینم لە ناو کورددا هایپەرانە هەر بڵێ وبڵێتەوە من ئەکادیمیستم، من ماستەرم هەیە ، پێویستە بە قسەی من بکرێت ، ..تد. نەفرەت لە هەموو بڕوانامە و وشەکانی دنیا ئەگەر تەنانەت خوێندەوار بوونیش فێری کەسیەک نەکات چۆن قسە ئەکات و مامەڵە لە گەڵ خەڵکێک ئەکات  کەبۆ یەکەم جار ئەیناسێت 

خۆ واز لە شەڕە حزبێنەش بێنە هەتا ئێستا تەنها بسی مۆراڵی پاڵەوانەکانی هەموو سالێکی ئەم بۆنەیە

سوپاس بۆ دلسۆزی مرۆڤە جوانەکان کە وام لێئەکەن هەست بکەم خەڵکەکەم ئەهێنێت خزمەتی بکەیت، سوپاس  ، بۆ گەمژەکانیش کە وام لێ ئەکەن سوورتر بم لە سەر کاری جدی. ئەو گەمژانەی 

ڕۆژی بەرگری ژنانی کۆبانی

پیویستە ڕۆژی بەرگری ژنانی کۆبانی بکرێت بە ڕۆژی جیهانی ژنانی کورد

کازیوە ساڵح

        من کردارم هەیە،کەواتە من هەم. کردار دەسنیشانی شوناسی مرۆڤ ئەکات ،هەر کرداریش توانای گۆڕینی زەمەنێکی هەڵاوێردراوی هەیە بۆ زەمەنێکی ژمێردراو. هەموو ئەو وڵات و شوێنانەی ژنی تیا چەوساوەتەوە  و ئەچەوسێنرێتەوە ئەوانەن کرداری کەم و قسەی زۆر  و دیدەبینی نەزۆکی تیا بەرهەم هاتووە ودێت . هەردەم وەکو داڵی لاما ئەفەرمووێت بۆ ئەوەی  کردارێکی ئەریەیی بەرهەم بهێنیت پێویستە دیدەبینێکی ئەرییەش بونیاد بنێیت .                                                                                        

     مێژووی ٨ی مارس و ڕۆژی ژنانی جیهان لە ساڵی ١٨٥٧ وە دەستی پێنەکردووە وەکو زۆربە ئاماژەی پێ ئەکەن ، بەڵکو لە سەردەمی شۆڕشی فەرەنسیدا و لە ساڵی ١٧٨٩ لە میانەی ڕێپێوانێکی ژنانی پاریس بۆ کۆشکی ڤێرسایی بۆ یەکەم جار ئەوان داوای ئازادی، یەکسانی و هاوشێوەییان کردووە. بەڵام لە بەر ئەوەی ساڵی ١٨٥٧دا لە ئەمەریکا بۆ یەکەمین جار ژن بە کردار مێژوویەکی تۆمارکرد، کاتێک سەدان ژن لە کارگەکانی دورینی پۆشاک و رستن و چینینەوە مانیان گرت دژی کەمی مافی کار و نایەکسانی موچەی ژن بەرانبەر بە موچەی پیاو  و باردۆخی نامرۆڤانەی ژن لە کارگەکاندا ئەم ساڵە بوو بە سیمبولی خەباتەکانی ژنان  و وەرچەرخانێکی مێژووی ،چوونکە وەکو ئنگلیز ئەڵێت کردار بە دەنگی بەرزتر قسە ئەکات. ئەم مێژووە پاش پەنجا ساڵ خەباتی مرۆڤانە و لە ساڵی ١٩٠٧ ئەو کردارەی ژنانی کارگەکان بوو بە هەوینی ٨ی مارس و ئەم بۆنەیەی ئەوان هێندە پیرۆزکرا کە ببێت بە بۆنەی ژنانی هەموو جیهان. ئەم بۆنەیە لە زۆربەی ئەو وڵاتانەی مافی ژنی تیا ژێر پێ خراوە کراوە بە پشووی فەرمی بە تایبەت ئەوانەی بە 'ستان' کۆتاییان دێت و تووشی پەتای ڕووکەش بوون نەک کردار، وەکو ئەفگانستان،تاجیکستان ، ئۆزبکستان، ترکمانستان، کیرگستان، پاکستان، هەوەها ، ئارمینیا، کامبودیا، زامبیا، ئۆگاندا، مەکدۆنیا ، ئەریتریا ،ئۆکرانیا،  کرواتیا، رۆمانیا ، بۆسنا، زامبیا،مەلدۆفیا، جۆرجیا،کوبا،  چین، ئازەربەیجان و ..تد ی هەموو ئەو وڵاتانەی ژنانی تێدا بە دروشمی ساختە تیا ڕازی ئەکڕیت بە بێ کردار و یاساییەکی هاوپێچ بە بوون و واتای ئەو ڕۆژە. لە کاتێکدا ئەو وڵاتانەی کە ڕۆژەکەیان دروستکردووە وەکو ئەمەریکا و کەنەدا و زۆربەی ئەوروپا ئەم ڕٶژەیان نەکردووە بە پشووی فەرمی بەڵام بە کردار، بە یاسا و لە بەندە حکومیەکاندا جێگەی ئامانجەکانی ئەو رۆژەکراوەتەوە. بە پێچەوانەی ڕۆژهەڵات کە بە ئاستێک جێگەی ڕۆژەکە کراوەتەوە هەموو ساڵێک پارە، وزە و کاتێک زۆر بەم ڕۆژەوە سەرف ئەکرێت ، بەڵام ئامانجی ڕۆژەکە تەنانەت لە خودی ڕۆژەکەدا جێگەی نەکراوەتەوە.                                                

فۆرگرافیکی ژنانی کۆبانی لە لایەن  بەڕێز کاک عەباس عەبدولرەزاقەوە دروستکراوە، سوپاس بۆ پێشکەشکردنی 

       ئەگەر ئەتەوێت بزانێت كێیت، کردار بکە،کردار تەنها بۆت دەرناخات تۆ کێیت ، بەڵکو بۆت دەرئەخات ئەوانەی دەوروبەریشت کێن. مێژووی ژنی کورد لە مێژووی کۆندا لە سەردەمی خوداوەندەکانەوە دەستی پێکردووە ، لە مێژووی مۆدرێنشدا لە گەڵ مێژووی ژنانی جیهانیدا ڕێکخراو و بزوتنەوەی هەبووە. بەڵام لە بەر ئەوەی ژنی کورد ناپرسێت من کێم بەڵکو ئەپرسێت من لە گەڵ کێم؟ هەمیشە تەوتەمی قسە دەوری ئەم رێکخراو و بزوتنەوانەی داوە،ئەم شوێنانە بوون بە شوێنی بەرهەمهێنانی زۆرترین قسە و کەمترین کردار و ئەو زەمەنەی بۆ نەژمێردراوە نەبووە بە مێژوو بۆی. هەمیشە لە بازنەیەکی داخراودا خولاوەتەوە و لە گەڵ تەکنیکی مۆدێرنەدا  سەدان تەکنیک بۆ چەوساندنەوەکانی سەربارکراوە،بە ئاستێک بێ حورمەتیکردن بە ژن بە تایبەت لە باشووری کوردستاندا لە دیاردەش دەرچووە، بووە بە کلتوریەکی باو و نۆرماڵ.         

          ئەگەر بەراوردی سەرکردەی بەندکراوی کورد عەبدوڵا ئۆجەلان بە هەموو هێما سیاسیەکانی کورد ومێژووی ڕۆژهەڵاتیش  بکەین، ئۆجەلان چوونکە خاوەنی دیدەبینیە ،کەمترین قسەی لە سەر ژن کردووە، بەڵام زۆرترین کرداری چاندووە لە دەوری ئەو بوونەوەرەی کە  لە سەدەی بیست و یەکیشدا بە دەستی پیاوان و دەسەڵاتدارانی کورد ئەوانەشیان لە ڕووی جەستەییەوە ناکوژرێن لە ڕووی ڕۆحی و کەرامەتەوە ئەکوژرێن. تا ئێستا ئەو کوشتنەی ژنێکی بە فیشەک و سوتاندن و خنکاندن پێکوژراوە کە ژمارەی شەرم هێنەری لە مێژوودا تۆمارکردووە و بە جیهان ناساندووە، هێشتا کەمترە لەو کوشتنە ڕۆحیانەی بەرانبەر ژنانێک جێ بە جی ئەکرێت کە درک بەم جۆرە کوشتنانە ئەکەن و داوای کردار ئەکەن نەک بەرهەم هێنانی قسەی بێ سوود، یان تەنانەت بەرانبەر بە ژنانێک جێ بە جێ ئەکرێت  کە 'بووکە بە بارانێ' بۆ حزب و بزوتنەوە زۆر و بێ ئامانجەکانی کورد ناکەن.                                                                                  
     تەنها ژنانێک کە ژنی کوردی لە دیکۆرەوە گۆڕی بۆ مرۆڤ؛ شوناسی نەک تەنها ژنی کورد بەڵکو ژنی جیهانیشی لە شەڕدا وەرچەرخان بۆ شوناسێکی مرۆڤێکی ئازا و ئازاد؛ لە ژنێکی لاقەکراو و پیویستیدار بە پیاوانی خێڵ بەرگری لێ بکات و لە شەڕ بیپارێزێت بۆ ژنێکی شەڕڤان و نەک تەنها خود پارێز بەڵکو نیشتمان و خاک پارێزیش ئەوانەی کۆبانێ بوون. ئەوەی کچان و ژنانی کۆبانێ کردییان لە سەردەمێکدا کە تەنکنۆلۆژیا و میدیا ژنی تەنها وەکو فیگەریەکی سێکسی نەخشەکێشاوە، چاوکردنەوەی دنیا بوو بە ڕووی ئەو دیدەبینیدا لەم ژنانەدا بەرەوە ئاسۆیەکی نوێ هەڵدەکشێت؛ ئەوەی ئەمان کردوویان لە مێژوودا زۆر دەگمەنە و لە ڕۆژهەڵاتێشدا هەر نەبووە. پێویستە کورد بزانێت چۆن ئەم مێژووە ئەپارێزێت و بەردەوامی پێ ئەدات، بۆ ئەوەی وەکو سەرجەم مێژووی شارستانیەتەکانی ڕابردوو پاش پەنجا ساڵی تر بە ناوی کەسانی دییەوە تۆمارنەکرێن و یان لە بیر نەکرێن.                                                                                    
      ئەو مێژوەی ژنانی کارەگانی ئەمەریکا تۆمارییان کرد شیاوی بەراوردکاری نیە بە مێژووی ژنانی کۆبانی، بەڵام ئەمەریکا توانی بیکات بە مێژووی هەموو ژنانی جیهان نەک لە بەر ئەوەی وڵاتێکی بەهێزە، لە بەر ئەوەی دیدەبینی و کرداری بەهێز لە پشت ئامانجەکانیانەوە بوو. ئەگەر هێزی وڵات ژنی بەهێزی دروست بکردایە، دەبوو هەموو ژنانی کۆبانی وەکو ژنانی ئیزیدی بکەوتنایەتە دەستی داعش، لە کاتێکدا ژنانی ئیزیدی لە تەنیشتی دەسەڵاتێکی بە‌هێزی سەروو ٢٥ ساڵ تەمەنەوە بوو . بەڵام کۆبانی چونکە بیرو و باوەڕ و رەهەندی سیاسی ودیدەبینی بەهێزیان کردبوو بە ڕێباز هاوکێشەکەیان پێچەوانە کردەوە. کورد مێژووی جوامێری زۆری هەبووە ئەمڕۆ تۆمار نەکراون و هیچیش بۆ جیهان نەگەیاندووە، هەنووکە پێویستە ئەزموون لەو هەڵانەی ڕابردوو وەربگرێت و ئەم مێژووەش چارەنووسی ئەوانەی ڕابردووی بە بەردا نەکرێت، بەڵکو بایەخێکی پێ بدرێت کە ڕۆژێک جیهان ناچار بێت یادی بکاتەوە.                                                                 

       ئەوەی لەم ساتەدا پیویستە ئەوەیە هەموو کورد بە یەک دەنگ ئەو ڕۆژەی کە ژنانی کۆبانی چوونە مەیدانی شەڕەوە دژی داعش بکەن بە ڕۆژی ژنانی کورد لە جیهاندا. ئەڵێم ئەو ڕۆژەی چوونە مەیدانی شەڕ چونکە ڕۆژی ئازاد بوونی کۆبانی ئەوە ڕۆژی کۆبانێ و هەمیشە زیندووە و ڕۆژی هەموو ژنان و پیاوانی ئازادیخوازی کوردە کە خۆیان بەخت کردوو ، ئەو ڕۆژەیان دروست کرد،بۆیە چاکترە ئەو ڕۆژە بێت شەڕڤانی ژن کەوتنە شەڕ لە گەڵ داعش بۆ ئەوەی تایبتمەندیەتی بدرێتێ و لە لایەکی دیش بۆ ئەوەی ببێت بە نموونەیەکی جوان کچان و نەوەی داهاتووی کورد سوودی لێ ببینن و ئیتر سەر شۆڕی و لاقەکردن و زیندانیکردن و کوشتن بە ناوی شەرەف و هەموو جۆرە چەوساندنەوە و بێ حورمەتێک پەسەند نەکەن ، ببێت بە ئەزموونیش بۆ دوژمنانی کورد کە چی دی لاقەکردن و دەستگرتن بە سەر ژنی کورددا نەکەن بە ئامانج. ئەمەش وەکو چۆن چوونە شەڕی ئەوان کرداری ویست نەک قسە و لاواندنەوە ، ئاواش زیندوو هێشتنەوە و تایبەتکردنی ئەم ڕٶژە کردار و ئامانج و دیدەبینی وەکو ئەوەی شەڕڤانانی کۆبانی ئەوێت چوون"کردار کلیلی بونیادنانی سەرکەوتنەکانە" بیکاسۆ.  

March8,2015

لە ژمارە ٢٢٩ی ڕۆژنامە باس ، ڕۆژی ١٠-٠٣-٢٠١٥ بلاو بووەتەوە

١١زەردەشتیەکان و ئێزیدیزم

جینۆسایدی سایکۆلۆژی و کلتوری ئێزدیەکان

کازیوە ساڵح

بەشی١١

زەردەشت بە گاڵتە بە ئێزیدی گوت شەیتان پەرەست و و کۆمەڵێک ڕۆژئاوای بە ڕاستی بوون بە شەیتان پەرەست. 

: زەردەشتیەکان و ئێزیدیزم

          ئەوەی پاش زەردەشتیەکان چەمکی ' دێڤا' ی بە شەیتان وەرگێڕاوە عەرەب بووە. تەنانەت وشەی ' شیطان' ی عەرەبی لە بنەمادا وشەیەکی پەهلەوییەوە لە ' شیدان' ەکەی زەردەشتەوە وەرگیراوە. وەکو زانای کورد مەسعود محەمەد فەرموویەتی کە عەرەب سەرەتا وشەی 'شیدان' یان بە 'شیتان' نووسیووە، پاشان پیتی بێ دەنگی (د) یان گۆڕیوە بۆ ( ت-ط). ئەم زانایە بۆ سەلماندنی ئەم گۆڕانکاریە زمانەوانیانە باس لەوە ئەکات کە وشەی ' شیدا یەزەکی' تا ئێستالە ناو کوردی ئیزیدیدا بە شتێک گۆڕانکارییەوەبەکار دەهێنرێت ، بەڵام لە کۆندا ئیزیدیان  بە داسنی یە و شوێنی نیشتەجیەی ئێزیدیەکانیشیان بە چیای داسنێ ، ئیمارەتی داسنی سەروو و خواروو( محەمەد،٢٠٠٣) ناو هێناوە.                                                                                                     

    ئەم گۆڕانکاریەش بۆ عەرەباندنی وشەکە کارێکی پێویست بووە و بە تایبەت لەو کاتەدا کە مەترسی بازرگانی و دەنگ کۆکردنەوە و هەر رۆژەی دەرکەوتنی پەیامبەرێک لە دورگەی عەرەبیدا هاوکێشەی قورسی سەردەمەکە بوون. لەو کاتەدا دەیان نەژادی جیاواز بە زۆرکراوە بە ئیسلام و سەدان کێشەی خێڵەکیانە لە نێو ئەسحابە و هێما ئیسلامیەکاندا بوونی هەبووە ، عەرەباندن و زمانی عەرەبی گرنگترین فاکتەر بووە بۆ ئەوەی عەرەب کۆبکاتەوە و یەگرتوویان بکات. بەڵام لە گەڵ وەرچەخانی مێژوودا ئەم عەرەباندنە سوودی سیاسی و ئاینی گەورەی پێ گەیاندوون ، لەوێوە هەمیشە زمانی عەرەبیان بە بیانووی زمانی قورئان بە پیرۆز ناو هێناوە بە زۆر سەپاندویانە بە سەر خەڵکی ناوچەکەدا لە کاتێکدا ئەمە دوورە لە ڕاستییەوە لە بابەتێکی دیدا سەبارەت بە ئاین دێمەوە سەر ئەم باسە.                     مەتەمسەکۆنسیسوmetempsychosis      تەنها ئێزیدی باوەڕی  واتە کۆپیبوونەوە یان  تناسخ، زیندووبوونەوەوگواستنەوەی ڕۆح پاش مەرگ بۆ ناو ڕۆح  جەستەی کەسێکی دی  نەبووە،بەڵک یەکێک  بووە لەو باوەڕانەی مرۆڤی کۆن و زۆربەی باوەڕە دێرینەکان بەر لە زایین باوەڕێیان پێی هەبووە لەوانە سۆمەری ، ئەکەدی، بابلی ، یۆنانی، فیرعەونیەکان، هندۆسیەکان، براهیمیەکان ، بودیزم، ماوی، سیخ، زەردەشتی و یەهودیەکان لە کۆندا باوەڕییان پێی هەبووە لە ئەنجیل مەتی ١٦دا هاتووە* ئەو فەیلەسوفانەی باوەڕییان بە بۆچوونە هەبووە لە هەندی ڕادا ئەفلاتۆن، فەیلەسوفی یۆنانی بالتۆ، فەیلەسوف و زانای بواری ماتماتک پایتاگرەس. هەروەها کۆمەڵێ کەسیەتی ئیسلامی مێژووی دەگمەن هەمان باوەڕێیان هەبووە جگە لە مەنسوور حەلاج ، نووسەری عەرەب زهیر کازم عبود لە کتێبەکەیدا بە ناونیشانی 'لایزیدیە'ناوی هەر یەک لە شهاب الدین السهروردی (١١٥٤-١١٩١ م) ، فرید الدین العطار ( ١١٤٠-١٢٢١م ) ، جلال الدین الرومی( ١٢٠٧-١٢٣٧م)  عمر بن عمر بن فارض( ١١١٨-١٢٣٥م) و تد. جگە لەوەی لە ناو کورددا کە بە پێشنیاز بۆ کەسی مردوویەک ئەکەن کە کاریەک نەکەن ڕۆحی مردووەکە نیگەران بکەن، یان ئەڵێن ئەو مردووە بەڵام ڕۆحی ئاگای لێتانە تا چەند ئەم ڕاست بێت یان هەڵە کلتورەکە هەر باس لە مەتەمسکۆنسیس ئەکات. ئەو هەموو نەتەوە و نەژاد و ئاینانە هیچیان و کەسییان بە شەیتان پەرەست ناوزەدنەکراون چوون باوەڕێیان بە کۆپیبوونی ڕۆحە.                                                                                   ئەمڕۆ لە ڕۆژئاوا و ڕۆهەڵاتدا هەوڵێکی زۆر هەیە بۆ نوژن بوونەوە و پەرەپێدانی زەردەشتیەت. لە کەنەدادا ڕێکخراو وپەرەستگەی خۆیان هەیە ، ئەمەش مافی ڕەوای خۆیان و مافی هەموو ئاین و ڕێبازە ئاین وئایدۆلۆژیەکانی جیهانیشە بە ئازادی هەڵگری ئایۆلۆژیای خۆیان بن لە هەر شوێنێکی دنیا بە بێ ترسی بنبڕکردن و چەوساندنەوە. ئەم هەوڵە لە دەرەوەی تاک وکۆمەڵی کوردیش نیە ، ئاگادارم لە کوردستانەوە خەڵکێکی زۆر زەردەشتیەت جێ بە جێ ئەکەن و لە هەوڵی پەرەپێدان و ئاساییکردنەوەیەدان لە ناو کورددا. من خوازیارم نەک تەنها زەردەشتیەت بەڵکو هەموو ئاینە کۆن و نوێیەکان لە ناو کورددا نۆژن ببنەوە و وەکو ڕۆژئاوا خەڵک پراکتیزی باوەڕی خۆیان بکەن، چوون هێندەی یەک دەسەلاتی و تاکڕەوی لە دەسەڵاتدا ترسناکە ، ئەوەندەو زیاتر یەک ئاینی و تاکڕەوی لە ئایندا ترسناکە.ئەوەی گرنگە لەم پرۆسەی نۆژنبوونەوەیەدا  هەوڵبدرێت نوێکردنەوەیەکی سەردەمیانە بێت ، وەکو مەسیحیەت گۆڕانکاری لە هەموو ئەو بۆچوونە و دەقانەدا بکرێت کە تۆمەت و ناڕەوایی بەرانبەر  ئاین ونەژادەکانی دی بەرهەم هێناوە. پێداگری لە سەر دەق و پراکتیکێکی مرۆییانە و شەنکردنی بڕگە توندەکانی هەر دەقێک ئەبێت بە هۆی زیندوو هێشتنەوە پەرەسەندن و خوێندنەوەی زیاتری ئەو دەقە ،پێچەوانەکەشی لە گەڵ بە ڕێکردنی کاتدا، دەق و کلتور و ئاینیەکی داعشیانە بەرهەم ئەهێنێت. لەوەش گرنگتر ئەوەیە مۆرکێکی کوردانە سەرباری زەردەشتیەت بکەن ، واتە لە بەر ئەوەی زەردەشت فارس بووە کوردانی زەردەشتی نەبن بە فارس پەرەست و  نۆژنکەرەوەی کلتور فارس لە ناو کورد و کوردستاندا.                               .           

       لە یاد دانەکەوێت کە لە تەک سەردەمدا گۆنجاندن تەنها ئەوە نیە بە وشەیەکی زێڕین بنووسن یان بڵێن ئیزیدی و هەر ئاینێکی دی مافی خۆیەتی پەیڕەوی ئاینی خۆی جێبەجێ بکات دوور لە چەوساندنەوە. بەڵکو ئەوەشە لەو پێناسە باوە دەرچێت بۆ کۆنسیپت و دیاردە باوەکان ، یان هاتووەکانی میتۆلۆجیادا کە لە کۆندا چەسپیوە ، لە خودی شەیتانەوە هەتا فریشتە. ئەمەش هەوڵێکی نوێ دەستی بۆ بەریت، تەنانەت ئەو ئیبلیس یان شەیتانەی ئێزیدی تاوانبارکراوە بە پەرەستنی لە مەسەلەی کوڕنووش نەبردنیدا بۆ ئادەم  چەندین مەتەسەوفی گەورە بەرگری لێکردووە، بە تایبەت لەو میانەوەی هێزی شەڕ یان خراپە خراوەتە پاڵ ئیبلیس ، لەوانە شێخ عەبدلقادری گەیلانی، ئیمامی مەقدەسی، شێخ جونەید، ئیبن غەزالی، حەلاج ، شاعیری کورد خانی و سادق جەلال عەزم ( الجندی،١٩٩٨) هەر یەک لەمانە هاوشیوەی ئیزیدی پێیان وایە خودا تەنها بەرپرسە لە ناردنی چاکە، حکمەتێکی دژە یەک پێکهێنری بەختەوەرییە و بە بوونی شەڕ یان خراپەوە چاکە و خێریش بوونی هەیە .ئەمە فەلسەفەی ژیانە و تەنها خەڵکێک خاوەنی مۆراڵی باڵا و هۆشیاری قوڵ بێت ئەتوانیت ئەو فەلسەفە لە ژیاندا بەرهەم بهێنێت.  ئەم مۆراڵە باڵایە بە بێ خوێندن و خۆهۆشیارکردن ئێزیدی خاوەنیەتی یان ئەکرێت ئەو ناوبراوانە لە باوەڕی ئێزیدییەوە سروشیان وەرگرتبێت بە تایبەت شێخ عەبدلقادر کە لە هێما ئاینیەکانی ئێزیدییەوە نزیک بووە. جگە لە حەلاج بووە بە قوربانی بیرە قوڵ و ناوازەکەی ئەوانی دی زیانبەرکەوتووی فکر و بۆچوونەکانی خۆیان نەبوون. شێخ عەبدلقادری گەیلانی مەزارگەی هەموو ئۆمێدەکانە بۆ هەزاران کەس لە جیهانەوە ساڵانە رووی تێ ئەکەن بۆ مەبەستی جیاواز. بە چ پیوەریەک ئەو ئەتوانێت ببێت بە نێوەند لە نێوان خودا و مرۆڤدا و ئیزیدی کە لە مەسەلەی خێر و شەڕدا هەمان باوەڕی هەیە لە سەر ئەو باوەڕە ئەکرێت بە شەیتان پەرەست؟ ئەگەر گوتاری ئاینی پیجەوانەی سەردەمەکە و ئاراستەکانی ژیانی ڕۆژانە بوو ئەبێت بە ئاینێک هەمیشە لە بوخچەی گریمانە و گۆماندا ئەمێنیتەوە. بۆیە زەردەشتیە نوییەکان پێویستە خۆیان لە هەڵەی ئەو ئاینانە بپارێزن کە گوومان و گریمانەیان کردووە بە چارەنووسی ئاینەکەیان و هەروەها لە هەڵە هاوشێوەکانی کۆنی زەردەشتیەتیش خۆپارێزبن.

زەردەشتانی کوردستانی پێویستە  بە ئاگا بن لەوەی هەڵەکانی و دژەکاریەکان ئێزیدی نەگۆڕی و نەیخستە سەر باوەڕی زەردەشتی ، بەڵام لە دەرەوەی کورد و کوردستان، لە ڕۆژئاواو و ئەمەریکا خەڵکێکی کرد بە شەیتان پەرەست. زەردەشت بە ساختە بە ئێزیدی گوت شەیتان پەرەست و کۆمەڵێک ڕۆژئاوای بە ڕاستی بوون بە شەیتان پەرەست. ئەو شەیتان پەرەستانە کێن و چۆن خۆیان پابەندی ئیزیدی کورد کردووە؟ تا چەند ئەم جۆرە کاریگەرییە نەرێی ییە کاریگەری لە سەر داهاتووی ئەو ئاینە هەیە و تا ئێستا چۆن ئەو کاریگەریانە نادیار بوون؟ بەشی ئایندە وەلامدەرەوەی ئەم پرسانە ئەبێت.                                                                                          

سەرچاوەکان:

·          رابوون، السويد نحو معرفة حقيقة ألديانة ألأيزيدية، ( ١٩٩٨) الجندي، خليل 

·          عدی بن مسافر، مجدد الدیانـة الازیدیة ، مۆسسة الدراسات العربیة، بیروت ، لبنان(  ٢٠٠٥) عبود، زهير كاظم

*  وَلَمَّا جَاءَ يَسُوعُ إِلَى نَوَاحِي قَيْصَرِيَّةِ فِيلُبُّسَ سَأَلَ تَلاَمِيذَهُ قِائِلاً: «مَنْ يَقُولُ النَّاسُ إِنِّي أَنَا ابْنُ الإِنْسَانِ؟

بەشی١٠جینۆسایدی سایکۆلۆژی

جینۆسایدی سایکۆلۆژی و کلتوری ئێزدیەکان

کازیوە ساڵح

بەشی١٠

زەردەشتیەکان یەکەم کەسن لە مێژوودا کە تۆمەتی شەیتان پەرستیان خستوەتە پاڵ ئێزیدیەکان

: زەردەشتیەکان و ئێزیدیزم

        زەردەشت وەکو هەموو ڕێباز و ئاینەکانی پاش خۆی نەک پێش خۆی سەرەتا ئێزیدی بە کۆمەڵێکی دابڕاو ناحاڵی لە زەردەشتیەت ئاماژە پێداوە.بەڵام ئەمە دروست نیە ، ئەگەر واز لە زنجیرەی مێژووش بهێنین، لە گەڵ ئەوەی ئیزیدی و زەردەشتی کۆمەڵێ کلتوری هاوبەشیان هەیە، هەردوو باوەڕییان بەزیندوبوونەوە کۆپیبوونەوەی' تناسخ' ی ڕۆح هەیە پاش مەرگ ، واتە کەسێک کە ئەمڕیت ڕۆحی دەچێتە کەسێکەوە کە تازە لە دایک ئەبێت ؛ هەردوو وەکو یەک خێر بۆ مردوو پیاوچاکانی زیندوو و مردووی خۆیان ئەکەن، لای هەردوو لا ڕۆژ/هەتاو پیرۆزە. بەڵام جیاواز لە ڕۆژ زەردەشتیەکان ئاگر لە پەرستگە و شوێنە پیرۆزەکانیاندا ئەکەنەوە بە ئاستێک زۆر جار وا لێکدراوەتەوە کە ئاگر پەرەست بن. لە گەڵ ئەمانەشدا  ئەو تۆمەتەی زەردەشتیەکان داویانەتە پاڵ ئیزیدی گوایە زەردەشتی هەڵگەڕاوەن ڕاست نیە بەو بەڵگەی لە پاڕاناوەکانیاندا ناوی زۆر هیمای ئاینی و بە تایبەت ئەوانەی مێژوویان هاوتای مێژووی ئێزیدی بووە ئەهێنن ، بەڵام هەرگیز ناوی زەردەشتیان نەهێناوە. لە گەڵ هەڵکشانی ئەوانەی نەیانئەویست ببن بە زەردەشتی و  مەیلدارییان بە ڕووی پشتگیریکردندا لە ئێزیدی تاوانی شەیتان پەرەستیان ئەخرێتە پاڵ لە ڕێگەی ڕاڤەکردنێکی نازانستی و نا دادوەرەوە.                              .                                    .                                                                                 

چەمکی دیڤا '  Diva-Deva'  یان دئێڤە گرنگێکی بێ هاوتای لە سەرجەم ئاین و زەپۆشە کلتوری و کۆمەڵایەتیەکانی کۆن و نوێدا هەبووە و هەیە. دیڤا لە سەرجەم ئاین و ڕێبازەکانی پێش زەردەشتدا بە پیرۆز سەیری کراوە و واتای خوداوەند'Goddess' بووە کە خودا ناگەیەنیەت . لە زمانی سنسکریتیدا بەم شێوەیە نووسراوە देव ، لای سۆمەری ، ئێزیدی،  بودیزم ، و سەرجەم ئاینەکانی پێش زەردەشت ، لای سەرجەم باوەڕ ، ئاین و کلتورە نوییەکانی دوای زەردەشتیش هەموو بە خوداوەندی ڕۆحی بەرز،  زیاتر ئەژی ، بە تواناتر و بەختەوەرترە لە خەڵکی ئاسایی سەیریان کردووە . بۆ نموونە لای بودیزم devatā  یان deity لە زمانی سینیدا 天人 لە زمانی مەنگۆلیدا тэнгэр، لە یابانی ten، کۆری cheon و ڤێتنامی thiên و لای ئیتالی diva و divo و..تد. Jootla, 1991)،(Doane, 1997   Saïghàñasåtra   لای هەمووان خوداوەندی ڕۆحی بەرزی گەیاندووە.

      لە سەدەی هەژدەوە دیڤا بە ژنی گۆرانبێژ ئەوترا کە توانای وتنی ئۆپێرای هەبێت ، چونکە سەردەمانێک ئۆپێرا بە خوداوەندی میوزیک دائەنرا و ئەو کەسەشی توانای وتنی ئۆپێرا هەبوایە، وەکو خاوەن توانایەکی سەرو مرۆڤی  سروشتی ڵیی ڕوانراوە . ئەمڕۆ بە هەموو هونەرمەندێکی مێینە کە خاوەنی داهێنان و تایبەتمەندێکی جیاواز بێت پێی ئەوترێت دیڤا ، بۆ نموونە- دیڤا مادۆنا – بە ژن ئەوترێت چونکە خوداوەندەکانی سەردەمی دیڕین و خوداوەند دیڤا لە کلتوری زۆربەی گەلاندا ژنە.  تەنانەت لەو بزوتنەوە ئاینیەی لە ساڵانی ١٩٧٠ کانەوە لە ڕۆژئاوا دروست بوو  و پێی ئەوترێت The New Age movement ئاینێکی ڕۆحییە ،  لە ڕێگەی 'تأمل ' بە قوڵی بیرکردنەوە هێزی ڕۆح باڵا ئەکەن.  ئەوانیش چەمکی دیڤا پیرۆز سەیر دەکەن بۆ ئەو کەسانە بە کاری دەهێنن لە ڕووی ڕۆحی و تایبەتمەندی و تواناوە لە سەروو سروشتەوەن، بە هێزەکانی سەروو سروشت وێنا ئەکرێت.

            لە گەڵ ئەوەی ژمارەیەکی زۆری دواکەوتوانی زەردەشتیەت کورد بوون، بەڵام زەردەشت یەکەم گورزی کوشندە لە ئەو کوردانە ئەدات کە دوای ڕێبازەکەی ناکەون.لە سەردەمی کۆندا یەکەم کەس ئێزیدی بە 'دئیڤە یەسنا'  واتە شەیتان پەرست تاوانبارکرد و چەمکی دیڤای بە Devil شەیتان وەرگێڕاوە زەردەشت بووە. زەردەشتیەکان یەکەم کەسن لە مێژوودا کە تۆمەتی شەیتان پەرستیان خستوەتە پاڵ ئێزیدیەکان  و ئەو تاک و کۆمەڵانەی ناوچەکە کە دوای زەردەشت و ڕێبازەکەی نەکەوتن . ئەوانەی بە وەفا بوون بۆ ڕێباز و ئاین و کلتوری خۆیان ڕووبەڕووی سزاو تۆمەتی ناڕەوا بوونەتەوە. زەند ئاڤێستای زەردەشتی کە بە زمانی پەهلەوی نووسراوە 'شیدا' ی بەرانبەر دیڤا داناوە، پاشان بووە بە "شیدات" و "شیدان" . شیدان کۆی وشەی 'شیدا'یە. لە دوایشدا بە پێی گۆڕانکاری لە زمانەکەیاندا گۆڕیویانە بە'دئیڤە یەسنا' و " شەیدا یەزەکی" هەموویان واتە ئەهرێمەن یان شەیتان پەرست.( زەکی، ٢٠٠٠، الجندی،١٩٩٨). هەر زەردەشتیەکان لە سەرەتاوە بە دێو وەریانگێراوە، وای مەزەندە ئەکەم، لە بەر ئەوەی ئێرانیەکان کاتێک بە ئنگلیزی قسە ئەکەن پیتی ('V ڤ  )بە 'و'   'W' ئەخوێنێتەوە بە پێچەوانەشەوە پیتی( 'W' و) بە ڤ ''V  ئەخوێنێتەوە.لێرەوە دیڤا و بە دیوا و دێو خوێندوەتەوە، چونکە وشەکان لە بنەمادا لاتینین، ئەوەش دەربڕینی زمانەوانی ئێرانیەکان بووە لە ئێستاو و ڕابردوودا. لە زمانی کوردیدا دێو هێمایە بۆ هێزیەکی مەزن یان جەستەیەکی زۆر گەورە، بە سۆرانی  ئەڵێین ئەڵێی دێوە ئەوەندە بەهێزە ، یان ئەوەندە گەورەیە. دێو لە زمانی ئنگلیزیشدا هەر هەمان مانای وەکو زمانە کوردێکە ئەبەخشێت و پێێ ئەوترێت Monster، بە عەرەبیش دێو ئەکاتە وەحش لە هیچ کام لەم سێ زمانەدا واتای شەیتان نیە، تەنها زەردەشت دێوی بە شەیتان , جنۆکە و ئەهرێمەن ناوزەدکردووە. تا چەند ئەمە پەیوەندی بە ڕەچەڵەکی زمانی پەهلەوییە هەیە شارەزا نیم، بەڵام بە پێی فەلسەفەی زەردەشتی 'ئاهۆرامزدا -یەزدان' شەش سەرباز و جێگری هەبووە، لە ژێر ڕێبەری ئەواندا جیهان بەڕێوە ئەچێت و لە توخمەکانی ئاو ، هەوا ، ئاگر و خۆڵ گرەنتی پاراستنیان دراوە، هەر وەها خوداووەندی شەڕیش کە ناوی ئەهریمەنە ئەویش سەرباز و جێگری هەیە و ناویان ' دی، دئو ، دیوات ' ئەمانە بەرپرسن لە یاساغکردنی چاکە وکاری خراپە. هەر ئەو ناوەشی لە ئێزیدی ناوە. ئەی. ڤی. ویڵیەم جاکسۆن پسپۆڕی بواری ئاین و پرۆفیسۆری زانکۆی برتش کۆڵمبیاو ئەڵێت ' زۆربەی ئاگر پەرەست و زەردەشتی و گەڵگرانی باوەڕی خورافی ئاینی ئێزدیان مەحکومکرد" (١٨٩٣ ،جاکسن، لا ١٠)   دوا ویستگەی ئەم بڕیارە ئەوەبوو لای زەردەشتی ئاهورامزای دروستکەری ژیانە واتە خودایە لە ڕووی ‌هێماییەوە دوانەکەتوانی ئاینەکەی خۆی بە ئەهرێمەن و دروستکەری مەرگ ، واتە هێزی شەڕ و گوناهن.                                                                                         

      ئەکرێت وا مەزەەندە بکرێت کێشەی زەردەشت بەرانبەر بە ئێزیدی پەیوەندی بە چیرۆکی خەلیقەوە بووبێت. ئەم بۆچوونە دوو لایەنەیە، لە لایەک ئێزیدی باوەڕی بەوەی ئەوان نەوەی پێغمبەر 'ئیبراهیم خەلیل'ن و ڕەگەزی ڕەسەنی مرۆڤایەتین بەرانبەر بەوەی زەردەشتی خۆی دروستکەر و نووسەرەوەی رێبازەکەیە کێشەی نەوی و باڵای لە نێواندا دروستکردبن و گەشتبێت بە بن بەست. بەڵام وەکو ئەوەی ئیسلام باسی ئەکات گوایە ئەو ئیبلیسەی کوڕنووشی بۆ خودا نەبردووە تاووسی مەلەکی ئێزیدییە پێم وانیە بۆ زەردەشت ریالەستیک بووبێت چوونکە ئەو کات ئەو لێکدانەوانە بوونی نەبووە و زەردەشت بەر لە ئیسلام بوونی هەبووە. لە لایەکی دی هەردوولایان باوەڕێیان بە زیندووبوونەوە هەیە و لە گەڵ ئەوەشدا جیاواز بوون و ئیزدیش ئامادە نەبووە جیاوازیەکانی ئەوان پەسەند بکات و بچێتە سەر ڕێبازی زەردەشتی ئەکرێت بە قوڵبوونەوەی کێشەکان بژمێردرێت.                                                                                   

سەرچاوەکان:

·          Jackson, A. V. Williams( 1893)  Persia Past and Present, Colombia College, New York City 

·          Jootla, S.E. (1988) Inspiration from Enlightened Nuns. Kandy

·          The Arya Saïghàñasåtra armaparyaya,ww.sanghatasutra.net/english_translation_final.pdf

·          رابوون، السويد نحو معرفة حقيقة ألديانة ألأيزيدية، ( ١٩٩٨) الجندي، خليل 

·          زەکی، محەمەد ئەمین ( ٢٠٠٠) خوڵاصەیەکی تاریخی کورد و کوردستان، دەزگای چاپ و پەخشی سەردەم، بەرگی یەکەم ١٩٣١ ، بەرگی دووەم ١٩٣٧

Help Me Reach My Goal in YMCA Megathon

 با ئەم ٨ی مارس ە  کردار بنوێن نەک تەنها  قسە

'لە ٧ی مارسدا چوار ٤ کاتژمێر   مێگاتۆن / پایسکیل لێخوڕین  ئەکەم بۆ هاوکاریکردنی ئەندامە هەژارەکانی ' وای'

تەنها شوێنێک داشکاندن بە هەژاران ئەدات بۆ ئەوەی ئەوانیش چانسی بەشداریکردن و ژیانێکی تەنروستیان هەبێتYMCA

سەدان ژنی نەدا و دایک سەڵت و منداڵ و پیر سوودیان لەم هەلە وەرگرتووە و ئەوەش هاوکاری تەندروستێکی باشتر و ژیانێکی ئارامتری بۆ فەراهەم هێناوون 

YMCA 

    تە نها یانەیەکی وەرزشی نیە بەڵکو دەیان بەشی دی وەکو هاوکاری پەناهەندە ، خوێندن ، مناڵان ، پیران و فێرکردنی گەنجان  وبەهرەی بەڕێوەبردنە  

 ئەم هاوکاریکردن و داشکاندنانە لە رێگەی ئەندامەکانی ناو ئەم یانەیەوە فەراهەم هاتوو کە کات و وزە و چالکیان بەم شوێنە بەخشیوە

                                           ماڵی دووەمە و نۆ ساڵە  ئەندامی ئەم یانەیەم و هەفتەی چوار چار لێرە وەرزش ئەکەم Y  بۆ من

                                             

بۆیە بڕیارمدا چالاکی ٨ی مارسم تەرخان بکەم بۆ فەند کۆکردنەوە بۆ ئەم یانەیە بۆ ئەوەی بتوانێت بەردەوام بێت لە هاوکاریکردنی ئەو کەسانەی هەژارن و ناتوانن ببن بە ئەندام.، ئەویش لە ڕێگەی ئەنجامدانی چوار کاتژمێر مێگاتۆن یان وەرزشی سەر پایسکل   خۆبەخشانە ، ئامانجم ئەوەیە لانی کەم ١٠٠٠ هەزار دۆلاریان بۆ کۆبکەمەوە، بەڵام ناتوانم بگەم بەو ئامانجە بە بێ هاوکاری ئێوە.   خوازیارم هەموو ببن بە بەشێک لەو نەریتە جوانە  کە هەزاران کەس ڕوو  لە ' وای ' ئەکات یان بۆ ئەوەی خۆ بەخشانە ئەچێتە ئەو ڕکەبەرێ  لە بواری جیاوازی وەرزشیدا بۆ ئەوەی هاوکارییان بۆ کۆبکاتەوە، یان دڵفراوانە هاوکاری مادییان ئەکات.  

ئەوانەتان لە کەنەدا ئەژین ئەزانن ئەم شوێنە قازانج نەوستانە تەنها لە سەر بەخشیشە کارەکانیان ئەڕوات و کەسیشیان بێ ئومێد نەبوون چوونکە دابەشکردنی گیرڤان و هاوکاریکردنی رێکخراوە  کۆمەڵایەتی و تەندروستیەکان نەریتیەکی ئێجگاری نایابی مرۆڤی کەنەدییە.

 ئێمەی کورد لە هەموو میللەتانی جیهان دوای هاوکاری ئەکەین هەر ڕۆژەی بۆ برینێک و کارەساتێکمان ، با جاریەکیش بچینە ڕیزی هاوکاری ئەوانەوە. گەرچی هەژارەکان لە هەموو جیهان بێ نیشتمانن ، ئەگەر بۆ ساتیکیش بێت دڵیان خۆش بکە و هەلیان بۆ دروست بکە لە رێگەی بەخشینی مادییەوە .

ئێمە ژمارەمان ٢٥  بیست وپێنج کەسە و هەر یەکەمان ' وای' پەیجی تایبەتی خۆی بۆ کردووەتەوە، لەم لینکەی خوارەوە لاپەرەی من ئەبینیت و ئەتوانیت راستەو خۆ هاوکاریەکانتان لە رێگەی پەیجەکەوە بنێریت بۆ خۆیان

واتە لە ڕێگەی ئەو لینکەوە بڕێک پارە ببەخشە بە ' وای' پێویست ناکات خۆت سەردانی وای بکەیت یان خەڵکی کەنەدا بیت 
تۆ ناوت و زانیاریەکانی خۆت دەنووسیت لە سەر ئەو پەیجە و ئەوانیش پاشان نامەی سوپاست بۆ ئەنێرین و ناوەکەشت لە لیستەکەیاندا بڵاو ئەکەنەوە

   http://my.ymcagta.org/netcommunity/page.aspx?pid=1060&tab=0&frsid=5638

لەوێ کلک لە سەر  ئەم لینکە بکە
Click here to donate to my page.

ناوت لە لیستی بەخشیشدەرەکانی ویدا بڵاو دەبێتەوە و بڵاو ئەکرێتەوە
مەرج نیە کەنەدی بیت یان لە کەنەدا بژیت بۆ ئەوەی ببیت بە بەشێک لەم چالاکیە ، لە هەر کۆێ جیهان بیت ئەبێت

ڕۆژی ٧ی مارس لە ٨.٣٠ بۆ ١٢.٣٠ مێگاتونە لە وای بەڕێوە ئەچێت ، ئەوانەشەی ئەندام نەبێت لەم ڕۆژەدا بە خۆڕایی ئەتوانێت بێتە ژوورەوە ولەوێ هاوکاریەکانی لە رێگەی یەکێک لەو ٢٥ کەسە کە خۆی هەلێئەبژرێت ببەخشێت.

Kaziwa's Story:

Support me in this year's Megathon and help more people stay healthy and active at the Y!

I am hoping to raise at least $250 to help make this happen But I can’t do this alone. Click on the Pledge Me button below to make a difference in communities across the GTA today.

Thank you!

  

 Click here to donate to my page.

*It may take up to one business day for your donation to appear in the list of supporters.

Post a Message

YMCA Megathon | Help Me Reach My Goal

YMCA is the only place provides financial assistant to the members who needed, in order to create an equal opportunities for all.

I am going to participate in 4 hours Megathon /cyclefit on March 7,2015,  in order to raise fund for YMCA. Support me in this year's Megathon ,help more people stay healthy and active at the Y!

I am hoping to raise at least $1000 to help make this happen, but I can’t do this alone. Click on the Pledge Me button below to make a difference in communities across the GTA today.

http://my.ymcagta.org/netcommunity/page.aspx?pid=1060&tab=0&frsid=5638

I look forward to seeing your contributions
your name will be published in the list of Y donaters

Thank you!

Kaziwa's Fundraising Page      

Kaziwa's Story:

Support me in this year's Megathon and help more people stay healthy and active at the Y!

I am hoping to raise at least $250 to help make this happen But I can’t do this alone. Click on the Pledge Me button below to make a difference in communities across the GTA today.

Thank you!

  

 Click here to donate to my page.

*It may take up to one business day for your donation to appear in the list of supporters.

Goal:	$1,000.00
Raised:	$0.00

Post a Message